پرسەنامەی مەكتەبی سیاسی بۆ كۆچی دوایی ئەحمەد هۆرێنی

یەکێتیی نیشتمانی کوردستان

بەبۆنەی كۆچی دوایی كەسایەتی كۆمەڵایەتی و تێكۆشەری دێرین ئەحمەد هۆرێنی باوكی شەهید بابان، مەكتەبی سیاسیی یەكێتیی نیشتمانیی كوردستان پرسنامەیەك ئاراستەی كەسوكاری كۆچكردوو دەكات.

دەقی پرسنامەكە...

بەداخ و پەژارەیەكی زۆرەوە هەواڵی كۆچی دوایی كەسایەتی كۆمەڵایەتی و تێكۆشەری دێرین (ئەحمەد محمد عبدالرحمن) ناسراو بە(ئەحمەد هۆرێنی) باوكی شەهید (بابان)مان پێگەیشت. 

بەم بۆنە خەمناكەوە پرسەو سەرەخۆشی ئاراستەی كەسوكارو بنەماڵە تێكۆشەرەكەیان دەكەین، كە لەڕێگەی رزگاری كوردو كوردستاندا پۆلێك شەهیدیان بەخشیوەو هەمیشە لەڕیزی پێشەوەی قوربانیدان بوون. 

هیوادارین ئەمە دوا ناخۆشییان بێت و رۆحی كۆچكردووش بۆ هەمیشە شاد بێت.

راگەیاندنی مەكتەبی سیاسی ی.ن.ك

یەكێتیی نیشتمانیی كوردستان