نیوەڕۆی ئەمڕۆ شەممە ٢٠/٤/٢٠١٩ لە شاری سلێمانی، كۆسرەت ڕەسول عەلی جێگری سكرتێری گشتی یەكێتی نیشتمانی كوردستان پێشوازی كرد لە هاكان كەرەجای كونسوڵی گشتی توركیا لە هەرێمی كوردستان و وەفدی هاوڕێی.
‎لە دیدارێكدا گفتوگۆكرا لەبارەی پەیوەندییەكانی نێوان هەرێمی كوردستان و توركیا، هەردوولا هاوڕابوون كەپێویستە پەرە بە پەیوەندییەكانی نێوان هەردوولا بدرێ و هەماهەنگی و هاوكاری زیاتر لەنێوانیان هەبێ.
‎دۆخی هەرێمی كوردستان و گفتوگۆكانی پێكهێنانی كابینەی نوێی حكومەتی هەرێمی كوردستان تەوەرێكی تری دیدارەكە بوو، جێگری سكرتێری گشتی تیشكی خستە سەر پلان و بەرنامەی یەكێتی بۆ حوكمڕانی و جەختی لەوە كردەوە كە یەكێتی لەسەرەتای گفتوگۆكان پێداگری جدی كردووە لەسەر شەراكەتی ڕاستەقینەی نێوان لایەنەكان و پێشكەشكردنی باشترین خزمەتگوزاری بەهاونیشتمانیان.
‎لای خۆیەوە كونسوڵی توركیا لەهەرێمی كوردستان هیوای خواست لە ئایندەیەكی نزیكدا كابینەی تازەی حكومەت پێكبێت و سەرجەم لایەنە براوەكان ڕۆڵی دیارو بەرچاویان هەبێ لە حوكمڕانی كوردستاندا.
‎لە دیدارەكەدا جێگری سكرتێری گشتی و كونسوڵی توركیا لەهەرێمی كوردستان گفتوگۆیان كرد لەبارەی پەیوەندییەكانی نێوان هەرێمی كوردستان و بەغدا و دووپاتیان كردەوە كە پێویستە پەیوەندییەكی پتەو لەسەر بنەمای دەستووری عێراق و تێگەیشتنی هاوبەش لەنێوان هەردوولا هەبێ.

 

 

شاڵاو كۆسرەت رەسوڵ لێپرسراوی مەڵبەندی سێی هەولێر، پێشوازی لە سەعدی ئەحمەد پیرە ئەندامی مەكتەبی سیاسی‌و ئاسۆ مامەند لێپرسراوی مەڵبەندی كەركوك‌و هەرێم كەمال ئاغا ئەندامی سەركردایەتی، كردو لەگەڵ ئەندامانی ئەنجومەنی مەڵبەندی سێ، كۆبوونەوە.
لەكۆبوونەوەكەدا، گفتوگۆ لەبارەی دواهەمین گۆڕانكارییە سیاسییەكان لەناوچەكەو ناوخۆدا كراو تاوتوێی پرسی كاندیدكردنی د.بەرهەم ساڵح وەك تاكە كاندیدو كاندیدی رەسمی لەسەر پشكی یەكێتی بۆ پۆستی سەرۆك كۆمار، كرا، كە رێوشوێنە یاساییەكان بۆ ئەو مەبەستە گیراونەتەبەرو ناوی تۆماركراوە، هەروەها باس لەوە كرا كە یەكێتی سەرجەم كارە سیاسی‌و یاساییەكان لەپڕۆسەی هەڵبژاردنی سەرۆك كۆماری عیراق بۆ بەربژێرەكەی خۆی‌و پێكهێنانی حكومەتی داهاتووی عیراق، راییدەكات‌و كاری جددی بۆ كردووەو بەردەوامیش دەبێت، هەروەك خوێندنەوەش بۆ ئەو هەڵە تێگەیشتنانە كرا كە لەپەیوەندییە سیاسییەكاندا روویانداوە، ئەوەش بەمەبەستی چارەسەركردنیان.

لەتەوەرێكی تری كۆبوونەوەكەدا، دەستخۆشی لەگوڕوتین‌و پەرۆشیی لایەنگرو كادیر‌و جەماوەری یەكێتیی نیشتمانیی كوردستان كرا، كە هەمووان وەك یەك تیم، كاردەكەن بۆ سەرخستنی لیستی 105ی یەكێتی‌و ئامادەبووانیش پاڵپشتی‌و هاوكاری‌و پشتیوانییەكانیان بۆ سەركەوتنی لیستی یەكێتی‌و یەكێتیی نیشتمانیی كوردستان دووپاتكردەوە، كە هەمووان هاوڕابوون ئەمجارە یەكێتی سەركەوتنێكی گەورە تۆماردەكات، چونكە جەماوەری كوردستان دەزانن‌و ئەوەیان بۆ روونبۆتەوە كە بەڕۆڵی سەرەكی یەكێتی لەگۆڕەپانی سیاسیدا، رەوشی سیاسی‌و ئابووری‌و پەیوەندییە سیاسییەكان دەچێتە دۆخێكی ئارام‌و پێشكەوتووەوە، بۆیە بەهەستكردن بەبەرپرسیارێتیی مێژوویی، هەمووان یەك دەنگ‌و یەك هەڵوێست بوون، بۆ سەركەوتنی هەڵبژاردنی پەرلەمانی كوردستان‌و سەرخستنی لیستی سەوزی یەكێتی.

لە چالاكییەكی بێ وێنەدا، 33 ساڵ لەمەوبەر  بەپلانێكی پێشوەختە و نەخشە بۆداڕێژراو و  بەسەرپەرشتی راستەوخۆی كۆسرەت رەسوڵ عەلی لێپرسراوی ئەو سەردەمەی مەڵبەندی 3ی رێكخستنی هەولێری یەكێتیی نیشتمانیی كوردستان هێرشیانكردە سەر پارێزگاری ئەو كاتی هەولێر و زۆر بەسەركەوتووانە چالاكییەكەیان ئەنجامدا ، لە بەرەبەیانی 19ی ئازاری ساڵی 1986دا سێ پێشمەرگەی قارەمان بەناوەكانی ئەیوب یوسف سەعید و بەختیار كاوانی و  شەهید سەردار سەعید سۆفی، هێرشیانكردە سەر پارێزگاری ئەو كاتی هەولێر و زۆر بەسەركەوتووانە چالاكییەكەیان ئەنجامدا.

لەبارەگای مەڵبەندی سێ، شاڵاو کۆسرەت رەسوڵ، ئەندامی سەرکردایەتی و لێپرسراوی مەڵبەندی سێی یەکێتیی نیشتیمانیی کوردستان، پێشوازی لەژمارەیەک لە پیاوە ماقولان و گەنجانی عەشیرەتی خەیلانی کرد. لەدانیشتنێکدا شالاو کۆسرەت رەسوڵ، بەخێرهاتنی گەرمی لێکردن و بارودۆخی ئێستاو رەوشی هەرێمی کوردستان و گەشبینی یەکێتیی نیشتیمانیی کوردستانی بۆ دۆخی ئێستا و سەرکەوتنی یەکێتیی نیشتیمانیی کوردستان روونکردەوە. هەروەها سوپاسگوزاری خۆی ئاراستەی خزمانی عەشیرەتی خەیلانی کرد، کەوا هەمیشە لە شۆرش و هەنگاوە نیشتیمانییەکاندا، رۆڵی جوامێرانەیان هەبووەو جێگایان دیار بووە. ئامادەبووان و پیاوە ماقولان و گەنجانی عەشیرەتی خەیلانی، پاڵپشتی و پشتیوانی خۆیان بۆ سەرکەوتن و سەرخستنی لیستی ١٠٥ یەکێتیی نیشتیمانیی کوردستان دەربڕی و پەرۆشی خۆیان بۆ پاڵپستی مەڵبەندی سێ ی هەولێرو شاڵاو کۆسرەت رەسوڵ دووپاتکردوە.

 

 

 

 

 

جه‌ماوه‌رى خۆڕاگرو تێكۆشه‌رى هه‌ولێر
قاره‌مانانى شارو شارۆچكه‌كانى هه‌ولێرو ده‌وروبه‌رى
 
له‌ ساڵڕۆژی راپه‌ڕینى هه‌ولێرو راماڵینى به‌عس له‌ شاره‌ خۆڕاگره‌كه‌مان، به‌ناوى خۆم و هه‌ڤاڵانم له‌ مه‌ڵبه‌ندى 3ى رێكخستنى هه‌ولێر گه‌رمترین پیرۆزباییتان ئاراسته‌ ده‌كه‌م، هیوادارم ئه‌م رۆژه‌ پیرۆز و پڕ شكۆیه‌ ببێته‌ هه‌وێنى سه‌ركه‌وتنى زیاترو به‌دیهێنانى ئاوات و ئامانجه‌كانى راپه‌ڕین.
 
هه‌ولێرییه‌ سه‌ربه‌رزه‌كان...
28 ساڵ له‌مه‌وبه‌ر، جه‌ماوه‌رى دڵ پڕ له‌قین به‌رامبه‌ر به‌عس، رێكخستنه‌ نهێنییه‌كان و شانه‌ چه‌كداره‌كانى بروسك، به‌ پاڵپشتى و پشتیوانى و به‌شدارى راسته‌وخۆی پێشمه‌رگه‌ پارتیزانه‌كان و هێزى پێشمه‌رگه‌ى كوردستان له‌ به‌ره‌به‌یانى 11ى 3 و له‌دوای گه‌یشتنى په‌یامى "له‌باوكى رێناسه‌وه‌ بۆ شانه‌ چه‌كداره‌كانى بروسك، لێتانه‌وه‌ نزیكین، ده‌ستبه‌كاربن" هه‌موومان تێكڕا به‌بێ جیاوازى دژی دڕنده‌ترین و فاشیستترین رژێمى ناوچه‌كه‌ راپه‌ڕین و له‌ هه‌ولێری سه‌ركه‌شى قه‌ڵاو مناره‌ وه‌ده‌رمان نان.
به‌ڵێ، ئه‌وێ رۆژێ كچان و كوڕانى هه‌ولێر، قاره‌مانان و تێكۆشه‌رانى هه‌ولێری هۆلاكۆ به‌زێن، له‌ چه‌ند سه‌عاتێكدا توانیان گه‌وره‌ترین مۆڵگه‌كانى به‌عس له‌مشاره‌ رابماڵن و پێیان بڵێن هه‌ولێرى پایته‌خت وه‌ك هه‌میشه‌ دژی زوڵم و سته‌م وه‌ستاوه‌و ده‌وه‌ستێ، ناهه‌قی قبوڵ نه‌كردووه‌و نایكا، ئه‌مه‌ كلتوورى هه‌ولێره‌.
 
كه‌سوكارى سه‌ربه‌رزى شه‌هیدان...
پێشمه‌رگه‌ قاره‌مانه‌كان...
كه‌مئه‌ندامانى سه‌نگه‌ر...
رێكخستنه‌ دێرینه‌كان...
جه‌ماوه‌رى خۆڕاگری هه‌ولێر...
به‌رهه‌مى راپه‌ڕین و ئازادكردنى هه‌ولێرو شار و شارۆچكه‌كانى ترى كوردستان، حوكمڕانى كوردى و دام و ده‌زگا شه‌رعیه‌كانى كوردستانى لێ به‌رهه‌م هات، باش ده‌زانین به‌شێكى زۆر له‌ ئامانجه‌كانى راپه‌ڕین به‌دى نه‌هاتوون، ئه‌ركى له‌پێشینه‌ى هه‌موومانه‌، وه‌فادار بین به‌رامبه‌ر خه‌بات و قوربانیدانى هه‌ڤاڵانمان و خوێنى شه‌هیده‌ سه‌ربه‌رزه‌كانمان و ده‌ست له‌ناو ده‌ست خه‌بات بكه‌ین بۆ حوكمڕانییه‌كى ته‌ندروست و هاوسه‌نگ له‌ كوردستان، مافی هاووڵاتیبوون به‌بێ جیاوازى به‌ هه‌مووان بدرێ و یه‌كسانى و دادپه‌روه‌رى بنه‌ماى حوكمڕانیمان بێ.
نابێ ئه‌وه‌مان له‌بیر بچێ، ئه‌وه‌ هه‌ولێرییه‌ ره‌سه‌نه‌كان بوون ئه‌وێ رۆژێ بوونه‌ قه‌ڵغانى به‌ره‌نگارى به‌عس و شاره‌كه‌یان لێ پاككردنه‌وه‌، بۆ ئه‌مڕۆش ده‌بێ هه‌ولێر هه‌ولێری هه‌موو هه‌ولێریان بێ و پایته‌ختى هه‌موو كوردستانیان بێ.
جارێكى تر، له‌م رۆژه‌ پیرۆزه‌دا، پیرۆزبایی گه‌رمى خۆم له‌ پێشمه‌رگه‌ قاره‌مانه‌كان و كه‌سوكارى سه‌ربه‌رزى شه‌هیدان و زیندانیانى سیاسی و گه‌نجان و لاوانى هه‌ولێر و ته‌واوى هه‌ولێریان ده‌كه‌م، ئومێد ده‌كه‌م ئه‌م یاده‌ پیرۆزه‌ بكه‌ینه‌ هه‌وێنى خزمه‌تكردنى زیاترى هاووڵاتیانمان و به‌هێزكردنى پایه‌كانى حوكمڕانیه‌كى ته‌ندروست له‌ كوردستان.
 
 
شاڵاو كۆسره‌ت ره‌سول
لێپرسراوى مه‌ڵبه‌ندى 3ى رێكخستنى هه‌ولێری
یه‌كێتى نیشتمانى كوردستان

 

 لەشاری هەولێر، شاڵاو کۆسرەت رەسوڵ، ئەندامی سەرکردایەتی و لێپرسراوی مەڵبەندی سێی هەولێر، پێشوازی لە (ئازاد تۆفیق رەحیم) کرد، کە ئەمڕۆ وەک پارێزگاری نوێی هەلەبجە سوێندی یاسایی خوارد. لەدانیشتنێکدا، شاڵاو کۆسرەت رەسوڵ، وێرای پیرۆزبایی لە خەڵکی هەلەبجە، بەبۆنەی دەست بەکاربوونی پارێزگاری نوێی هەلەبجە، لەنزیکەوە پاڵپشتی و پشتیوانی خۆی بۆ پارێزگاری نوێی هەلەبجە (ئازاد تۆفیق رەحیم) و خەڵکی هەلەبجە دووپاتکردوە. هەروەها ووتی هەلەبجە جێگای شانازی هەمووانەو پێویستە هەموومان هاوکارو پشتیوان و لەخزمەت شاری هەلەبجەی خۆشەویست بین.

سەیرکەن و شرۆڤەی ئەم هەستە جوان و دلسۆزەی کادێریکی تەمەن نزیک (90) ساڵی وەک وەفایەک بۆ روحی مام و ئەو ڕێبازەی مام وتنی سەفین لەبن دێ یەکێتی لەبن نایەت.. بەم نمەتەوە کۆمیتە بەکۆمیتە دەگرێ و کۆبونەوە ده کات تا لیستەکەی شەهیدان بە بەرزی و بەدەنگی دلێر هاواربکات سەردەکەوین لەژێر دروشمی ( ئارامی ، هەلی کار، خزمەت) ئەم کادیرەش مامۆستا مەلا محەمەد بەحرکەیی یە. ناوبراو سەرلەبەیانی ئەمڕۆ چوارشەم هاتە بارەگای کۆمیتەی ڕێکخستنی 16ی دارەتوو .ووتی هاتووم بلێم دەبێ هەلمەت بکەین هەلمەتی دەرگا بەدەرگا. بە دۆست و دووژمن بلێین ئەگەر یەکێتی دەنگی زۆر نەهێنی ئازادی تاک و ئازادی خاک و ئازادی ژینگە دەکەوێتە ژێر پرسیارەوە… بۆیە کارکردنمان بەندە بە پاراستنی ژیان و داهاتووی گەلەکەمان…. لەم قسانەدابوو بەرێزیان ئاماژەی بۆ شوفێرەکەی کرد بتل و جیهازی ئۆکسجینەکەی بۆ بهێنن ، کە هێنایان ووتی ئەمەیە وەزعی تەندروستی من بەلام بەرزبوونەوەی بالانسی یەکێتی هێزو متمانەی زیاترم پێ دەبەخشێ… ..بەڕاستی ئەم هەلویستانەی مەلا محەمەد هەڵوێستی کەسانی جیاوازن….. لێرەوە دەلێم (10) ساڵ لەتەمەنی من هەلگری بۆ سەر تەمەنی تۆ…. تۆ زۆر بەوەفاو ئەمکداری. ئەمەیە وون نەکردنی ڕێبازی مام… تەمەن دڕێژو لەش ساغ بیت هاوڕێ ی دێرین…

حەیدەرمەنتک

ئیدریس حاجی عادل جێگری مه‌ڵبه‌ندی دووی كه‌ركوكی یه‌كێتیی نیشتمانی كوردستان راگه‌یاند: له‌سه‌ر بڕیاری ئاسۆ مامه‌ند لێپرسراوی مه‌ڵبه‌ندی دووی كه‌ركوكی یه‌كێتیی نیشتمانی كوردستان ئاڵای كوردستان له‌سه‌ر باره‌گاكانی یه‌كێتیی له‌كه‌ركوك هه‌ڵكراوه‌. وتیشی: یه‌كێتیی بۆ ئه‌و مه‌به‌سته‌ هه‌ماهه‌نگی له‌گه‌ڵ هێزه‌ ئه‌منیه‌كانی سنوره‌كه‌دا كردوه‌.

شاڵاو کۆسرەت رەسوڵ، ئەندامی سەرکردایەتی و لێپرسراوی مەڵبەندی سێ یەکێتیی نیشتیمانیی کوردستان، لەبارەگای مەڵبەند، پێشوازی کرد لە سەعدی ئەحمەد پیرە ئەندامی مەکتەبی سیاسی و لیوا ئەنوەر عەزیز باوە. پاشان لەکۆبوونەوەیەکی فراواندا لەگەڵ ئەفسەرو کارمەندانی هێزەکانی ئاسایشی یەکێتیی نیشتیمانیی کوردستاندا، باسیان لەدۆخی سیاسی و ئیداری هەرێمی کورستان و عیراق بەگشتی کرد، بەتایبەتی لەبارەی پرسی پێکهێنانی کابینەی نوێی حکومەتی عیراق و پرسی سەرۆک کۆمار کەپشکی کوردەو لەنێو کوردا پشکی یەکێتیی نیشتیمانیی کوردستانە. دواتر باس لەئەرکی هێزەکانی ئاسایش لەدەنگدان و ئارامی و ئاسایشی خەلک و رۆژانی بانگەشەو رۆژی ئەنجامدانی پرۆسەی هەڵبژاردنی ٣٠/٩ی هەلبژاردنی پەرلەمانی کوردستان و سەرخستن وسەرکەوتنی لیستی ١٠٥ی یەکێتیی نیشتیمانیی کوردستان کرا. هەر لەو کۆبوونەوەیەدا، سەعدی ئەحمەد پیرە، ووتی:"یەکێتیی نیشتیمانیی کوردستان، بەبێ جیاوازی بیروراو ئایدیا، بۆ پاراستنی کوردانی هەر چوار پارچەی کوردستان کار دەکات". لەتەوەرێکی تردا شاڵاو کۆسرەت رەسوڵ، بەهێزەکانی ئاسایشی راگەیاندو ووتی:" ئێوە نمونەی ئارامی و ئاسایشی شارن" هەروەها ووتی' یەکێتیی بەئێوە پشت ئەستورە، بۆیە دەلێین، بۆ ئارامی، بۆ هەلی کار، بۆ خزمەت".

 

 

 

 

لەگەڵ ئەفسەرو پلەدارەکاندا، دووپاتکرایەوە، کەیەکێتیی هەمیشە لەخەمی خاکدایە و هەمووان یەک دەنگن بۆ سەرخستنی لیستی ١٠٥ یەکێتیی نیشتیمانیی کوردستان. ئەمڕۆ شاڵاو کۆسرەت رەسوڵ، ئەندامی سەرکردایەتی و لێپرسراوی مەڵبەندی سێ یەکێتیی نیشتیمانیی کوردستان، لەبارەگای مەڵبەند، پێشوازی کرد لە سەعدی ئەحمەد پیرە ئەندامی مەکتەبی سیاسی و ئاسۆ مامەند، ئەندامی مەکتەبی سیاسی و لێپرسراوی مەڵبەندی کەرکوکی یەکێتیی نیشتیمانیی کوردستان و جەبار یاوەر ئەمینداری دیوانی وەزارەتی پێشمەرگە. پاشان لەکۆبوونەوەیەکی فراواندا لەگەڵ ئەفسەرو پلەدارەکانی یەکێتیی نیشتیمانیی کوردستاندا، باسیان لەیەکریزی و یەکدەنگی یەکێتیی نیشتیمانیی کوردستان کردو هەمووان هاوڕابوون کە هەوڵەکان یەککخراوون بۆ سەرخستنی لیستی ١٠٥ یەکێتیی نیشتیمانیی کوردستان. باس لەو قوربانیانە کرا، کە بەدرێژایی مێژوو، یەکێتی بۆ پرسە نیشتیمانی و نەتەوەییەکان، پێشکەشی کردوون. هەروەها بەرپەرچی هەموو ئەو پڕوپاگەندەو تۆمەتانە درانەوە، کە بۆ یەکێتیی نیشتیمانی کوردستان هەڵدەبەسترێن. دووپاتیان کردەوە، کە یەکێتیی وەک هەمیشە لەخەمی خاکدا بووەو لەخەمی خاکدا دەبێت. تیکڕای ئەفسەرو پلەدارەکان، بەیەک دەنگ، پشتیوانی و پاڵپشتی خۆیان بۆ سەرخستن و سەرکەوتنی لیستی ١٠٥ یەکێتیی نیشتیمانیی کوردستان دەڕبڕی و دڵنیایی هەڤاڵانیان کرد، کەوا هەماهەنگ بوونەو لەرۆژانی داهاتوودا، کاری جدی تر بۆ سەرکەوتنی یەکێتیی نیشتیمانیی کوردستان ئەنجام دەدەن. هەمووان، گەشبین بوون، کەسەرکەوتنی گەورە بۆ یەکێتیی نیشتیمانیی کوردستان بەرێوەیە. ‎هه‌ر ئێواره‌ی هه‌مان رۆژ شالاو کۆسره‌ت رسوڵ ماڵی چه‌ند که‌سایه‌تی و پیاو ماقوڵێکی شارى هـةوليرى به‌سه‌ر کرده‌وه‌ ‎له‌ سه‌ردانه‌که‌یدا هه‌ڤاڵ شاڵاو کۆسره‌ت رسوڵ ماڵی هه‌ر یه‌ک له‌ (یوسف عه‌وێنه‌یی ) و ( کێخوا سه‌لامی فه‌قێ مه‌رکی)و (حیدر حمدامین توره‌ق)ی به‌سه‌رکرده‌وه‌ که‌ تیایدا هه‌ریه‌ک له‌ماڵه‌کان به‌جیان کۆمه‌ڵێک له‌ خزمانیان كۆکردبۆوه‌ بۆ دةربڕینی پشتیوانی بۆ لیستی (١٠٥) ی یه‌کێتیی نیشتمانیی کوردستان و هه‌ڤاڵ قوباد تاڵه‌بانی و هاوڕێکانی له‌ لیسته‌که‌دا. ‎له‌لایه‌ن خۆیه‌وه‌ شاڵاو کۆسره‌ت رسوڵ سوپاسی دڵسۆزی و خوێن گه‌رمی ئاماده‌بووانی کرد له‌به‌رامبه‌ر کار کردنیان بۆ سه‌رخستنی لیستی (١٠٥ ) و کاندیده‌کانی هه‌روه‌ها گوتیشی به‌ده‌نگی ئێوه‌ به‌ هه‌ڵوێست و کاره‌کانی ئێوه‌ یه‌کێتی زیاتر ده‌توانێ مافه‌کانتان ده‌سته‌به‌ر بکات به‌ دابینکردنی هه‌لی کار و ئارامی و خزمه‌ت. له‌ به‌رامبه‌ردا ئاماده‌بوان به‌ڵێنیاندا به‌ رۆحیه‌تی شاخ و پێشمه‌رگایه‌تی کار بکه‌ن بۆ سه‌رخستنی یه‌کێتیی نیشتمانیی کوردستان و لیستی (١٠٥) و کاندیده‌کانی

 

 

 

 

 

 

 

 

 

پەڕەى 1 لەکۆى 4 پەڕەدا