بەڤیدیۆ؛ ناوەڕۆكی رێككەوتنە 11 خاڵییەكەی پارتی و داعش ئاشكرادەكرێت

هەواڵەکان

تیرۆریستێكی داعش داندەنێت بەوەی لەكاتی ئۆپراسیۆنی رزگاركردنی حەویجەدا، داعش و پارتی رێككەوتنێكی 11 خاڵییان ئیمزاكردووە.

 

تیرۆریستەكە كە ناوی عیسا ئەحمەد حەسەنە دوای دەستگیركردنی دان دەنێت بەو رێككەوتنەی كە داعش و پارتی لەكاتی ئۆپراسیۆنی حەویجەدا ئیمزایان كردووەو رایگەیاند كە رێككەوتنەكە لەلایەن ئەبو هەیسەم والی داعش و لەلایەن پارتیشەوە بەرپرسێكیان بەناسناوی ئەبو دیار ئیمزاكراوە.

 

روونیشیكردەوە كە بەپێی رێككەوتنەكە پارتی لەڕووی دابینكردنی چەك و دوربینی شەو و مووشەكی دژە زرێپۆش و دیاریكردنی شوێنی سەلامەت بۆ كشانەوەی چەكدارەكانی داعشەوە هاوكاری كردوون و لەبەرامبەریشدا دەبێت تیرۆریستان دژی سوپای عێراق و حەشدی شەعبی بجەنگن.

 

ئاماژەشیدا كە بەپێی رێككەوتنەكە نزیكەی 800 چەكداری داعش بەرەو ناوچەكانی ژێر دەستی پارتی كشاونەتەوە و خۆیشی یەكێك بووە لەو 200 چەكدارەی كە بەهۆی هەڵەكردنی رێگەوە، دەستگیركراوە.

 

پێشتریش دانپێدانانی چەندین تیرۆریستی داعش بڵاوكرانەوە كە سەرجەمیان جەخت دەكەنەوە لەوەی رێككەوتنیان لەگەڵ پارتیدا هەبووە.