سه‌رله‌به‌یانى ئه‌مڕۆ یه‌كشه‌ممه‌ 23/6/2019 له‌ شارى سلێمانى، كۆسره‌ت ره‌سول عه‌لى جێگری سكرتێری گشتى یه‌كێتى نیشتمانى كوردستان پێشوازى كرد له‌ "مارتن وار" كونسوڵی گشتى به‌ریتانیا له‌ هه‌رێمى كوردستان و وه‌فدێكى هاوڕێی.

‎له‌ دیداره‌كه‌دا گفتوگۆی وردو جدى كرا له‌سه‌ر دۆخى هه‌رێمى كوردستان، په‌یوه‌ندییه‌كانى نێوان هه‌رێم و به‌غداو هه‌ردوولا راشكاوانه‌ دیدو بۆچوون و تێڕوانینى خۆیان خسته‌ڕوو.

‎له‌ دیداره‌كه‌دا جێگری سكرتێری گشتى، كورته‌یه‌كى له‌باره‌ى دۆخى كوردستان و په‌یوه‌ندى نێوان لایه‌نه‌كان به‌گشتى و هه‌نگاوه‌كانى پێكهێنانى كابینه‌ى نوێی حكومه‌تى هه‌رێمى كوردستان خسته‌ڕوو و دیدى فه‌رمى یه‌كێتى نیشتمانى كوردستانى بۆ وه‌فدی میوان خسته‌ڕوو.

‎په‌یوه‌ست به‌ دۆخى عێراق و په‌یوه‌ندییه‌كانى نێوان هه‌رێم و به‌غدا، كۆسره‌ت ره‌سول عه‌لى جه‌ختى له‌وه‌ كرده‌وه‌ كه‌ پێویسته‌ په‌یوه‌ندییه‌كانى نێوان هه‌رێم و به‌غدا له‌چوارچێوه‌ى ده‌ستوور و به‌ لێكتێگه‌یشتنى هاوبه‌ش له‌پێناو خزمه‌تكردنى زیاتر به‌ هاونیشتمانیان بنیات بنرێته‌وه‌و پته‌و بكرێ.

‎لاى خۆیه‌وه‌ كونسوڵی به‌ریتانیا، هیواى خواست سه‌رجه‌م كێشه‌و گیروگرفته‌كان به‌ گفتوگۆو لێكتێگه‌یشتن چاره‌سه‌ر بكرێن، هاوكات ئه‌وه‌شی خسته‌ڕوو كه‌ ئامانجى سه‌ره‌كى ئه‌م سه‌ردانه‌ى بۆ لاى جێگری سكرتێری گشتى به‌مه‌به‌ستى ماڵئاوایی و كۆتایی هاتنى كاره‌كانیه‌تى له‌ هه‌رێمى كوردستان.

‎له‌ به‌رامبه‌ردا جێگری سكرتێری گشتى سوپاسی كونسوڵی گشتى به‌ریتانیاى كرد، كه‌ له‌ ماوه‌ى رابردوودا توانیویه‌تى رۆڵی ئیجابی خۆی بگێڕێ له‌ هه‌رێمى كوردستان و هیواى خواست له‌ كاره‌كانى داهاتووى سه‌ركه‌وتوو بێ و كونسوڵی داهاتووش درێژه‌ به‌ كاره‌كانى ئه‌و بداو رۆڵی ئه‌رێنى ببینێ له‌ په‌ره‌پێدانى په‌یوه‌ندییه‌كانى نێوان هه‌رێمى كوردستان و به‌ریتانیا.

‎هەروەك كۆسرەت ڕەسول سوپاسی بەریتانیاو سەرجەم وڵاتانی هاوپەیمانی نێودەوڵەتی كرد كە لە شەڕی دژی تیرۆر هاوكاری پێشمەرگەیان كردووەو ڕۆڵی سەرەكیان هەبووە

بەناوی خۆمان و ئەندامان و لایەنگرانی یەكێتی نیشتمانی كوردستان لە هەولێری قەڵاو منارەی خۆڕاگرەوە دەستخۆشی لە هەڵوێستی مەردانەی هەڤاڵ كاك كۆسرەت ڕەسول جێگری سكرتێری گشتی و سەرجەم هەڤاڵانمان لە دەستەی كارگێڕو مەكتەبی سیاسی و سەركردایەتی و ئەنجومەنی ناوەندو فراكسیۆنەكانی پەرلەمان دەكەین.

‎بەو هەڵوێستەی ئەمڕۆی هەڤاڵانمان لە مەكتەبی سیاسی دەرخەری ئەو ڕاستیە مێژووییەیە كە هەمیشەو لە سەرەتای دروستبوونی یەكێتی نیشتمانی كوردستان تا ئەمڕۆو بۆ داهاتووش، كەركووك هێڵی سوورەو هەموو قوربانیەك لەپێناوی كەركووك دەدەین و دۆخی كەركووك و خەڵكە تێكۆشەرەكەی پێویستی بە چاكردن هەیە نەك دەستی دەستی پێكردن، پێویستە هەموو لایەنە سیاسییەكان لەخەمی پاراستنی ناسنامەی كوردستانیبوونی كەركووك بین.

‎ئەمڕۆ جارێكی تر یەكێتی دووپاتی كردەوە كە هێزێكە پابەندی تەواوی ڕێكەوتنەكانی خۆیەتی و دەبێ لایەنی بەرامبەریش (پارتی دیموكراتی كوردستان) بەهەمان شێوە پابەندی ڕێكەوتنەكان بێ، ڕاشكاوانەش دووپاتی دەكەینەوە كە وەك ئەندام و لایەنگرانی یەكێتی نیشتمانی كوردستان پابەندی تەواوی هەر ڕێككەوتنێكین كە واژووی هەڤاڵ كاك كۆسرەتی بەسەرەوە بێ.

‎جارێكی تر پشتیوانی خۆمان بۆ هەڤاڵانمان لە یەكێتی نیشتمانی كوردستان دەردەبڕین و ڕایدەگەیەنین كە پێویستە هاوتەریبی یەك پرسی پێكهێنانی حكومەتی هەرێم و دانانی پارێزگاری كەركووك و وەزیری داد یەكلابكرێنەوە بەپابەند بوون بەڕێككەوتنەكانی نێوانمان.

‎مەڵبەندی ٣ی ڕێكخستنی هەولێری 

‎یەكێتی نیشتمانی كوردستان

لە چالاكییەكی بێ وێنەدا، 33 ساڵ لەمەوبەر  بەپلانێكی پێشوەختە و نەخشە بۆداڕێژراو و  بەسەرپەرشتی راستەوخۆی كۆسرەت رەسوڵ عەلی لێپرسراوی ئەو سەردەمەی مەڵبەندی 3ی رێكخستنی هەولێری یەكێتیی نیشتمانیی كوردستان هێرشیانكردە سەر پارێزگاری ئەو كاتی هەولێر و زۆر بەسەركەوتووانە چالاكییەكەیان ئەنجامدا ، لە بەرەبەیانی 19ی ئازاری ساڵی 1986دا سێ پێشمەرگەی قارەمان بەناوەكانی ئەیوب یوسف سەعید و بەختیار كاوانی و  شەهید سەردار سەعید سۆفی، هێرشیانكردە سەر پارێزگاری ئەو كاتی هەولێر و زۆر بەسەركەوتووانە چالاكییەكەیان ئەنجامدا.

بە داخ و پەژارەیەكی زۆرەوە هەواڵی كۆچی دوایی كاكە (ڕەوەند)ی جوانەمەرگ، كوڕی سەركردەی تێكۆشەرو قارەمانی گەلەكەمان و یەكێتی نیشتمانی كوردستانمان (جەبار فەرمان) م بیست، لەناخەوە دڵگران و خەمبارو نیگەرانی كردم.

‎بۆ كۆچی دوایی و لە ناكاوی كاكە ڕەوەند پرسەو سەرەخۆشی و هاوخەمی قووڵی خۆم ئاراستەی خۆتان و خانەوادە تێكۆشەرو قارەمانەكەتان دەكەم، لە ئازاری جەرگ سووتان و لەدەستدانی جگەرگۆشەیەكی گەنج تێدەگەم و دەزانم چەند بە ئازارە، دڵنیام لەمیهرەبانی و بەسۆزی ئێوە، بە ورەوە بەرگەی ئەم خەمە قووڵە دەگریت و وەك هەمیشە دایكێكی میهرەبان دەبیت و بەیادو یادەوەری كاك جەبار فەرمانی سەركردە و كاكە ڕەوەندی جوانەمەرگ بەردەوام دەبیت.

‎بۆ ئەم خەمە قووڵە، هاوبەشی خەمتانم، هیواخوازم ئەمە دوا كۆست و ناخۆشی هەموومان بێ، خوای گەورە كۆچكردوو بە بەهەشتی بەرینی خۆی شاد بكات و سەبووری هەموو لایەكمان بدات.

‎كۆسرەت ڕەسول عەلی

‎جێگری سكرتێری گشتی

‎یەكێتی نیشتمانی كوردستان

ئێوارەی ئەمڕۆ چوارشەممە ٢٢/٥/٢٠١٩ لە شاری سلێمانی، كۆسرەت ڕەسول عەلی جێگری سكرتێری گشتی یەكێتی نیشتمانی كوردستان بە ئامادەبوونی حاكم قادر حەمەجان كارگێڕی مەكتەبی سیاسی پێشوازیكرد لە د. فوئاد مەعسوم سەرۆك كۆماری پێشووی عێراق.

‎لە دیدارێكدا گفتوگۆ كرا لەبارەی دۆخی عێراق و پەیوەندییەكانی نێوان هەرێم و بەغدا، هەردوولا كۆك بوون كە بەگفتوگۆو لێكتێگەیشتنی هاوبەش پرسەكان چارەسەر بكرێن.

‎دۆخی هەرێمی كوردستان و پەیوەندی نێوان لایەنە سیاسییەكان تەوەرێكی تری دیدارەكە بوو، جێگری سكرتێری گشتی و سەرۆك كۆماری پێشووی عیراق هاوڕابوون كە پێویستە لایەنە كوردستانییەكان یەكدەنگ و یەكگوتار بن لە پرسەكانی پەیوەست بەگەلی كورد.

‎هەروەك بەشێك لەدیدارەكە تەرخانكرا بۆ گفتوگۆكردن لەبارەی ڕۆڵی یەكێتی لەپرسە گرنگ و چارەنووسسازەكانی هەرێم و بەغدا و چۆنیەتی ڕۆڵ بینین لە یەكلاكردنەوەی پرسەكاندا.

جه‌ماوه‌رى خۆڕاگرو تێكۆشه‌رى هه‌ولێر
قاره‌مانانى شارو شارۆچكه‌كانى هه‌ولێرو ده‌وروبه‌رى
 
له‌ ساڵڕۆژی راپه‌ڕینى هه‌ولێرو راماڵینى به‌عس له‌ شاره‌ خۆڕاگره‌كه‌مان، به‌ناوى خۆم و هه‌ڤاڵانم له‌ مه‌ڵبه‌ندى 3ى رێكخستنى هه‌ولێر گه‌رمترین پیرۆزباییتان ئاراسته‌ ده‌كه‌م، هیوادارم ئه‌م رۆژه‌ پیرۆز و پڕ شكۆیه‌ ببێته‌ هه‌وێنى سه‌ركه‌وتنى زیاترو به‌دیهێنانى ئاوات و ئامانجه‌كانى راپه‌ڕین.
 
هه‌ولێرییه‌ سه‌ربه‌رزه‌كان...
28 ساڵ له‌مه‌وبه‌ر، جه‌ماوه‌رى دڵ پڕ له‌قین به‌رامبه‌ر به‌عس، رێكخستنه‌ نهێنییه‌كان و شانه‌ چه‌كداره‌كانى بروسك، به‌ پاڵپشتى و پشتیوانى و به‌شدارى راسته‌وخۆی پێشمه‌رگه‌ پارتیزانه‌كان و هێزى پێشمه‌رگه‌ى كوردستان له‌ به‌ره‌به‌یانى 11ى 3 و له‌دوای گه‌یشتنى په‌یامى "له‌باوكى رێناسه‌وه‌ بۆ شانه‌ چه‌كداره‌كانى بروسك، لێتانه‌وه‌ نزیكین، ده‌ستبه‌كاربن" هه‌موومان تێكڕا به‌بێ جیاوازى دژی دڕنده‌ترین و فاشیستترین رژێمى ناوچه‌كه‌ راپه‌ڕین و له‌ هه‌ولێری سه‌ركه‌شى قه‌ڵاو مناره‌ وه‌ده‌رمان نان.
به‌ڵێ، ئه‌وێ رۆژێ كچان و كوڕانى هه‌ولێر، قاره‌مانان و تێكۆشه‌رانى هه‌ولێری هۆلاكۆ به‌زێن، له‌ چه‌ند سه‌عاتێكدا توانیان گه‌وره‌ترین مۆڵگه‌كانى به‌عس له‌مشاره‌ رابماڵن و پێیان بڵێن هه‌ولێرى پایته‌خت وه‌ك هه‌میشه‌ دژی زوڵم و سته‌م وه‌ستاوه‌و ده‌وه‌ستێ، ناهه‌قی قبوڵ نه‌كردووه‌و نایكا، ئه‌مه‌ كلتوورى هه‌ولێره‌.
 
كه‌سوكارى سه‌ربه‌رزى شه‌هیدان...
پێشمه‌رگه‌ قاره‌مانه‌كان...
كه‌مئه‌ندامانى سه‌نگه‌ر...
رێكخستنه‌ دێرینه‌كان...
جه‌ماوه‌رى خۆڕاگری هه‌ولێر...
به‌رهه‌مى راپه‌ڕین و ئازادكردنى هه‌ولێرو شار و شارۆچكه‌كانى ترى كوردستان، حوكمڕانى كوردى و دام و ده‌زگا شه‌رعیه‌كانى كوردستانى لێ به‌رهه‌م هات، باش ده‌زانین به‌شێكى زۆر له‌ ئامانجه‌كانى راپه‌ڕین به‌دى نه‌هاتوون، ئه‌ركى له‌پێشینه‌ى هه‌موومانه‌، وه‌فادار بین به‌رامبه‌ر خه‌بات و قوربانیدانى هه‌ڤاڵانمان و خوێنى شه‌هیده‌ سه‌ربه‌رزه‌كانمان و ده‌ست له‌ناو ده‌ست خه‌بات بكه‌ین بۆ حوكمڕانییه‌كى ته‌ندروست و هاوسه‌نگ له‌ كوردستان، مافی هاووڵاتیبوون به‌بێ جیاوازى به‌ هه‌مووان بدرێ و یه‌كسانى و دادپه‌روه‌رى بنه‌ماى حوكمڕانیمان بێ.
نابێ ئه‌وه‌مان له‌بیر بچێ، ئه‌وه‌ هه‌ولێرییه‌ ره‌سه‌نه‌كان بوون ئه‌وێ رۆژێ بوونه‌ قه‌ڵغانى به‌ره‌نگارى به‌عس و شاره‌كه‌یان لێ پاككردنه‌وه‌، بۆ ئه‌مڕۆش ده‌بێ هه‌ولێر هه‌ولێری هه‌موو هه‌ولێریان بێ و پایته‌ختى هه‌موو كوردستانیان بێ.
جارێكى تر، له‌م رۆژه‌ پیرۆزه‌دا، پیرۆزبایی گه‌رمى خۆم له‌ پێشمه‌رگه‌ قاره‌مانه‌كان و كه‌سوكارى سه‌ربه‌رزى شه‌هیدان و زیندانیانى سیاسی و گه‌نجان و لاوانى هه‌ولێر و ته‌واوى هه‌ولێریان ده‌كه‌م، ئومێد ده‌كه‌م ئه‌م یاده‌ پیرۆزه‌ بكه‌ینه‌ هه‌وێنى خزمه‌تكردنى زیاترى هاووڵاتیانمان و به‌هێزكردنى پایه‌كانى حوكمڕانیه‌كى ته‌ندروست له‌ كوردستان.
 
 
شاڵاو كۆسره‌ت ره‌سول
لێپرسراوى مه‌ڵبه‌ندى 3ى رێكخستنى هه‌ولێری
یه‌كێتى نیشتمانى كوردستان

 

خاتوو سەبیحەی خۆڕاگرو كۆڵنەدەر

‎خانەوادەو كەسوكاری جوانەمەرگ ڕەوەند جەبار فەرمان

‎بە خەمێكی قووڵەوە هەواڵی كۆچی دوایی جوانەمەرگ ڕەوەند جەبار فەرمانم بیست، خەمبارو نیگەرانی كردم، هاوبەشی خەمتانم.

‎بەناوی خۆم و هەڤاڵانم لە مەڵبەندی ٣ی ڕێكخستنی هەولێری یەكێتی نیشتمانی كوردستانەوە پرسەو سەرەخۆشی و هاوخەمی خۆمانتان ئاراستە دەكەین، هیوادارین ئەمە دواكۆست و ناخۆشی خۆتان و خانەوادە تێكۆشەرو قارەمان و خۆڕاگرەكەتان بێ، خوای گەورە سەبووری هەموو لایەك بدات و كۆچكردوو بە بەهەشتی بەرینی خۆی شاد بكات.

أنا لله وأنا الیه راجعون 

‎شاڵاو كۆسرەت ڕەسول

‎لێپرسراوی مەڵبەندی ٣ی ڕێكخستنی هەولێری

یەکێتی نیشتیمانی کوردستان

 

ئێوارەی ئەمڕۆ پێنجشەممە ٩/٥/٢٠١٩ لەشاری هەولێر كۆسرەت ڕەسول عەلی جێگری سكرتێری گشتی یەكێتی نیشتمانی كوردستان پێشوازی لە داڤید ساتەر فیڵد یاریدەدەری وەزیری دەرەوەی ئەمریكا و لێپرسراوی نووسینگەی كاروباری ڕۆژهەڵاتی نزیك لە وەزارەتی دەرەوەی ئەمریكاو جۆی هود هەڵسوڕێنەری باڵیۆزخانەی ئەمریكا لەعێراق و جەنەڕاڵ پۆڵ لاكامیرا فەرماندەی گشتی هێزەكانی هاوپەیمانان لە عێراق و سوریا و ستیڤن فەیگن كونسوڵی ئەمریكا لە هەرێمی كوردستان كرد.

‎لە دیدارەكەدا، كە سەعدی پیرە ئەندامی مەكتەبی سیاسی و دەرباز كۆسرەت ڕەسول وەزیری ئاوەدانكردنەوە و نیشتەجێكردن. ئامادەی بوون، گفتوگۆكرا لەبارەی دۆخی عێراق و هەرێمی كوردستان و قۆناغی دوای جەنگی داعش.

‎لە سەرەتای دیدارەكەدا كۆسرەت ڕەسول سوپاسی هێزی هاوپەیمانانی كرد كە لە جەنگی بەرەنگاربوونەوەی تیرۆر هاوكاری پێشمەرگەو هێزە عێراقییەكان بوونەو دووپاتی كردەوە كە پێویستە لەپاڵ بەرەنگاربوونەوەی سەربازی بەرەنگاری فكڕی توندڕەویش ببنەوە.

‎تەوەرێكی تری دیدارەكە گفتوگۆكردن بوو لەبارەی دۆخی سیاسی هەرێمی كوردستان و عێڕاق و ناوچەكە، هەردوولا هاوڕابوون كە پێویستە لێكتێگەیشتنی هاوبەش هەبێ بۆ پرسەكان و بەگفتوگۆو دیالۆگ كێشەكان چارەسەر بكرێن.

 

ئیدریس حاجی عادل جێگری مه‌ڵبه‌ندی دووی كه‌ركوكی یه‌كێتیی نیشتمانی كوردستان راگه‌یاند: له‌سه‌ر بڕیاری ئاسۆ مامه‌ند لێپرسراوی مه‌ڵبه‌ندی دووی كه‌ركوكی یه‌كێتیی نیشتمانی كوردستان ئاڵای كوردستان له‌سه‌ر باره‌گاكانی یه‌كێتیی له‌كه‌ركوك هه‌ڵكراوه‌. وتیشی: یه‌كێتیی بۆ ئه‌و مه‌به‌سته‌ هه‌ماهه‌نگی له‌گه‌ڵ هێزه‌ ئه‌منیه‌كانی سنوره‌كه‌دا كردوه‌.

لەڕێوڕەسمێكدا بەئامادەبوونی مەحمود سەنگاوی ئەندامی مەكتەبی سیاسی و لێپرسراوی كۆمەڵەی رێكخستنە دێرینەكانی كوردستان و ژمارەیەك لێپرسراوی حزبی و رێكخستنە دێرینەكان، خەڵاتی ڕێزلێنان بەخشرایە ژمارەیەك رێكخستنە دێرینەكانی شاری هەولێر و دەوروبەری.

 

 

نیوەڕۆی ئەمڕۆ شەممە ٢٠/٤/٢٠١٩ لە شاری سلێمانی، كۆسرەت ڕەسول عەلی جێگری سكرتێری گشتی یەكێتی نیشتمانی كوردستان پێشوازی كرد لە هاكان كەرەجای كونسوڵی گشتی توركیا لە هەرێمی كوردستان و وەفدی هاوڕێی.
‎لە دیدارێكدا گفتوگۆكرا لەبارەی پەیوەندییەكانی نێوان هەرێمی كوردستان و توركیا، هەردوولا هاوڕابوون كەپێویستە پەرە بە پەیوەندییەكانی نێوان هەردوولا بدرێ و هەماهەنگی و هاوكاری زیاتر لەنێوانیان هەبێ.
‎دۆخی هەرێمی كوردستان و گفتوگۆكانی پێكهێنانی كابینەی نوێی حكومەتی هەرێمی كوردستان تەوەرێكی تری دیدارەكە بوو، جێگری سكرتێری گشتی تیشكی خستە سەر پلان و بەرنامەی یەكێتی بۆ حوكمڕانی و جەختی لەوە كردەوە كە یەكێتی لەسەرەتای گفتوگۆكان پێداگری جدی كردووە لەسەر شەراكەتی ڕاستەقینەی نێوان لایەنەكان و پێشكەشكردنی باشترین خزمەتگوزاری بەهاونیشتمانیان.
‎لای خۆیەوە كونسوڵی توركیا لەهەرێمی كوردستان هیوای خواست لە ئایندەیەكی نزیكدا كابینەی تازەی حكومەت پێكبێت و سەرجەم لایەنە براوەكان ڕۆڵی دیارو بەرچاویان هەبێ لە حوكمڕانی كوردستاندا.
‎لە دیدارەكەدا جێگری سكرتێری گشتی و كونسوڵی توركیا لەهەرێمی كوردستان گفتوگۆیان كرد لەبارەی پەیوەندییەكانی نێوان هەرێمی كوردستان و بەغدا و دووپاتیان كردەوە كە پێویستە پەیوەندییەكی پتەو لەسەر بنەمای دەستووری عێراق و تێگەیشتنی هاوبەش لەنێوان هەردوولا هەبێ.

 

 

پەڕەى 1 لەکۆى 4 پەڕەدا