وته‌بێژی مه‌كته‌بی سیاسی یه‌كێتیی نیشتمانیی كوردستان رایگه‌یاند: كورد به‌ یه‌ك وه‌فدو به‌ به‌رنامه‌یه‌كی هاوبه‌ش گفتوگۆ و دانوستانه‌كانی له‌به‌غدا ده‌ستپێده‌كات، بۆ پێكهێنانی حكومه‌تی نوێی عیراق.

 

ئه‌مڕۆ 19-8-2018، سه‌عدی ئه‌حمه‌د پیره‌ وته‌بێژی مه‌كته‌بی سیاسی یه‌كێتیی نیشتمانیی كوردستان راگه‌یاند: به‌وه‌فدێكی هاوبه‌ش ده‌چینه‌ به‌غداو له‌گه‌ڵ لایه‌نه‌ سیاسییه‌كانی عیراق گفتوگۆ ده‌كه‌ین، وتیشی: ئه‌مڕۆش پێشوازیان له‌ وه‌فدێكی سوننه‌كان بۆ گفتوگۆ له‌سه‌ر پێكهێنانی حكومه‌تی نوێی عیراق كردوه‌.

ئاماژه‌ی به‌وه‌شدا، یه‌كێتیی نیشیتمانیی كوردستان و پارتی دیموكراتی كوردستان به‌ به‌رنامه‌یه‌كی هاوبه‌ش گفتوگۆكانیان له‌گه‌ڵ لایه‌نه‌كانی تری عیراق له‌ به‌غدا ئه‌نجامده‌ده‌ن، وتیشی: بڕیاره‌ له‌ دوای جه‌ژنی قوربان گفتوگۆكان ده‌ستپێبكه‌ن

دوای ئاشكراكردنی پیلانی تیرۆرستانی داعش، بۆ تێكدانی ئاسایشی هه‌رێم و ده‌ستگیركردنی چه‌ندین تیرۆرستی نێوگروپ و شانه‌نه‌نستوه‌كانیان، له‌ سلێمانی ، گه‌رمیان  له‌ ساڵی2017 ، 2018  ، شكستپێهێنانی  مه‌رامه‌كانی تیرۆرستان له‌ سنوری په‌ڵكانه‌و غه‌ره‌و قۆری چای و حه‌مرین.

 

ده‌زگای ئاسایشی هه‌رێم، پلانی بۆ روبه‌روبونه‌وه‌ی تیرۆرستان گۆڕی ، چه‌ندین تیمی هاوبه‌ش پێكهێنرا،  بۆ چاودێریكردن و كۆكردنه‌وه‌ی زانیاری وردتر، له‌سه‌ر چه‌كدارانی داعش له‌ سنوره‌كه‌، پاش  به‌رچاورونبون، له‌ جموجۆڵه‌كانیان ، به‌هاوكاری كۆمه‌ڵانی خه‌ڵك به‌رده‌وام زانیاری كۆده‌كرایه‌وه‌ ، دوای ده‌ستكه‌وتنی زانیاری دروست، له‌سه‌ر پیلانی  تیرۆرستان،  به‌ بڕیاری (  سه‌رۆكی ده‌زگای ئاسایشی هه‌رێم  )  به‌ڕێوه‌به‌رایه‌تی ئاسایشی گه‌رمیان ( ئاسایشی كه‌لار ، كفری ، سه‌رقه‌ڵا، جه‌باره‌ ، ده‌ربه‌ندیخان ،خورماتوو ) ناوچه‌ی گه‌رمیان، به‌درێژایی سنوری زینانه‌ تا كفری و كه‌لارو ده‌ربه‌ندیخان خرایه‌ ژێر چاودێری وردی ئه‌منی،  به‌ڕێوه‌به‌رایه‌تی ئاسایشی سلێمانی به‌شی ئۆپراسیۆن  راسپێردرا،  بۆ هاوكاریكردنی ئاسایشی گه‌رمیان، پاش ره‌زامه‌ندی دادوه‌ری لێكۆڵینه‌وه‌ به‌رنامه‌ی روبه‌روبونه‌وه‌ی تیرۆرستان  ، خرایه‌ بواری جێبه‌جێكردنه‌وه‌ ،  ئۆپراسیۆنی ده‌سگیركردنی ئه‌ندامانی شانه‌ نستوه‌كانی داعش ،  چه‌ندین چه‌كداری داعش له‌ كاتی دزه‌كردنیان بۆ خاكی هه‌رێم ده‌ستگیركران ،پیلانێكی دیكه‌ی تیرۆرستان بۆ تێكدانی ئارامی هه‌رێم شكستیپێهێنرا.

 

له‌ سه‌ره‌تای جێبه‌جێكردنی به‌رنامه‌ی روبه‌ڕووبونه‌وه‌ی تیرۆرستان، هێزه‌كانی ئاسایش له‌ رۆژی (29/4/2018 )  تۆمه‌تبار ( م . م ) كه‌ له‌ ره‌گه‌زی كورده‌ له‌ ناوچه‌ی په‌ڵكانه‌و دوڕاجی ده‌سگیرده‌كه‌ن ،كه‌ هاوكاری چه‌كدارانی داعشی كردبوو ،  له‌سنوری په‌ڵكانه‌و حه‌مرین و  چه‌ندینجار مه‌وادی خۆراكی و سوته‌مه‌نی بۆ بردون و جه‌ند جارێكیش پاره‌یان پێداوه‌ تا پێداویستیه‌كانیانان بۆ دابینبكه‌ن.

 

هێزه‌كانی به‌ڕێوه‌به‌رایه‌تی ئاسایشی گه‌رمیان، به‌رده‌وام بوون ، له‌ چاودێريكردنی سنوره‌كه‌و لێكۆڵینه‌وه‌كانیان چڕتركرده‌وه‌، له‌ رۆژی 20/5/2018 توانرا هه‌ردوو تیرۆرست ( محه‌مه‌د فه‌تحی ناسراو به‌ ئه‌بو جاسم كه‌ پله‌ی ئه‌میری هه‌بووه‌ له‌گه‌ڵ ،  فه‌یسه‌ڵ غازی ناسراو به‌ ئه‌بو غازی ) له‌ قه‌زای  كفری ، به‌ ناسنامه‌ی ساخته‌وه‌  ، ده‌سگیربكه‌ن  ، كه‌ له‌ سنوریپه‌ڵكانه‌،  غه‌ره‌ ، دزه‌یانكردبووه‌ هه‌رێمی كوردستان و پیلانیان هه‌بوو خۆیان بگه‌ینه‌ سلێمانی ،  به‌هاوكاری جه‌ند تیرۆرستێك، له‌ شانه‌نستوه‌كانیان كه‌دواتر ئه‌و تیرۆرستانه‌ش  ده‌ستگیركران ....

 


سیڤی تیرۆرست ( محه‌مه‌د فه‌تحی )
ناسراوه‌ به‌ (  ئه‌بو جاسم ) له‌ ساڵی 1967 له‌ سلێمان به‌گ له‌ دایك بووه‌
ساڵی 2014 په‌یوه‌ندی به‌ تیرۆرستانی داعشه‌وه‌ ده‌كات
پله‌ی ئه‌میری هه‌بووه‌ دوو كوڕیشی له‌ناو داعش بون و كوژراون
ٍئه‌ندامی ( بیت و مالی ) بووه‌ له‌ حه‌ویجه‌
به‌شداری جه‌ندین شه‌ڕیكردوه‌و به‌شداربوه‌ له‌ شه‌هیدكردنی خه‌ڵكی بێتاوان
دوای رزگاركردنی حه‌ویجه‌ روده‌كه‌نه‌ سنوری په‌ڵكانه‌و حه‌مرین
پیلانیان هه‌بووه‌ له‌گه‌ڵ چه‌كدارێكی هاوه‌ڵی بێنه‌ سلێمانی
له‌ رۆژی 20/5/2018 له‌كاتی  به‌ڕێكه‌وتنیان  بۆ سلێمانی له‌كفری ده‌سگیرده‌كرێت.

 

دوێنێ سەنتەری توێژینەوەی پەرلەمان بە هاوبەشی لەگەڵ پەیمانگەی نیشتمانیی بۆ دیموكراسی NDI، لە شاری سلێمانی خولێكیان بۆ كاندیدانی خولی پێنجەمی پەرلەمانی كوردستان كردەوە.
فوئاد ئەحمەد بەڕێوەبەری سەنتەری توێژینەوەی پەرلەمان بە PUKmedia ی راگەیاند: رێكخراوی NDI ئەمریكی بە راوێژكردن بە سەنتەرەكەمان، لەسەر ئاستی پارێزگاكانی كوردستان خولێكی كردەوە بۆ كاندیدەكان، ئێمەش پێمان باش بوو لەو رێگەیەوە رۆشنبیریی پەرلەمانی بەو كاندیدانە بدەین، تا بزانن بەرەو چ دامەزراوەیەك دەڕۆن. وتیشی: خولەكە بەپێی پەیڕەوی ناوخۆی پەرلەمان دەوترێتەوەو ئەو كەسانە خولەكە دەڵێنەوە كە خۆیان لە نووسینەوەی پەیڕەوی ناوخۆی پەرلەماندا بەشدار بوون.
روونیشیكردەوە: دوای خولەكە، سەرجەم كاندیدەكان پەیوەندی بەردەوامیان لەگەڵماندا دەبێت‌و بەردەوام زانیارییان پێدەدەین‌و وەڵامیان دەدەینەوە. وتیشی: جێگەی دڵخۆشییە كە كاندیدان زۆر بە گەرمی‌و گوڕوتینەوە بەشداریی خولەكە دەكەن‌و كاردانەوەیەكی باشیان هەیە.
ئەمە لەكاتێكدایە رۆژی 29/7/2018، سەنتەری توێژینەوەی پەرلەمان بە هاوبەشی لەگەڵ پەیمانگەی نیشتمانی بۆ دیموكراسی هەمان خولی بۆ كاندیدانی شاری هەولێر كردەوە‌و بڕیاریشە لە چەند رۆژی داهاتوودا بچنە شاری دهۆك‌و هەمان خول بۆ كاندیدانی ئەو شارە بكەنەوە.

كۆسرەت ڕەسوڵ عەلی جێگری سكرتێری گشتی یەكێتی نیشتمانی كوردستان لە شاری سلێمانی پێشوازیكرد لە حەمید دەروێش سكرتێری حزبی پێشكەوتنخوازی كورد لە سوریا و وەفدی هاوڕێی.
لە دیدارێكدا هەردوولا گفتوگۆیان كرد لەبارەی دۆخی هەرێمی كوردستان و عێراق و ناوچەكەو كۆك بوون لەسەر ئەوەی كە پێویستە كورد لە هەموو پێشهات و گۆڕانكارییەكاندا ڕۆڵی دیارو بەرچاوی هەبێ.
هاوكات تەئكیدیان لەوەكردەوە: كە لایەنە كوردستانییەكان دەتوانن بەیەك دەنگی و یەكهەڵوێستی زامنی زیاتری مافەكانی كورد بكەن.
تەوەرێكی تری دیدارەكە تایبەت بوو بە دۆخی ڕۆژئاوای كوردستان و هەنگاوەكانی ڕووبەڕووبوونەوەی تیرۆر تێیداو ڕۆڵی دیار و كارای كورد لەم ڕووبەڕووبوونەوەیە، پەیوەست بەم پرسە هەردوولا هاوڕا بوون كە دەبێ لەئایندەی سوریا كورد ڕۆڵی دیاری خۆی پێ بدرێ و بە مافە دیموكراتییەكانی بگات. كۆتا تەوەری دیدارەكە گفتوگۆكردنی جدی بوو لەبارەی ئەنجامدانی هەڵبژاردنی پەرلەمانی كوردستان، هەڵبژاردنەكە بە ووردی تاووتوێكرا و ڕای جیاوازی لەبارەوە ئاڵووگۆڕ كرا.

جێگری سه‌رۆكی حكومه‌ت به‌ردی بناغه‌ی زانكۆی نێوده‌وڵه‌تی قه‌یوان داده‌نێت.

بڕیاره‌ ئه‌مڕۆ یه‌كشه‌ممه‌ 12-8-2018 به‌ ئاماده‌بوونی قوباد تاڵه‌بانی جێگری سه‌رۆكی حكومه‌ت ڕێوڕه‌سمی كردنه‌وه‌ی زانكۆی نێوده‌وڵه‌تی قه‌یوان له‌ شه‌قامی سه‌ره‌كی ڕاپه‌رین له‌ سلێمانی به‌ڕێوه‌ بچێت.

شه‌وی رابردوو به‌هۆی رووداوێكی ئاگركه‌وتنه‌وه‌ له‌بازاڕی قه‌یسه‌ری شاری هه‌ولێر 150 دووكان سوتاون.

سه‌عات 9ی شه‌وی رابردوو ئاگرێكی گه‌وره‌ له‌ بازاڕی قه‌یسه‌ری له‌ شاری هه‌ولێر كه‌له‌ دوكانێكی جل و به‌رگه‌وه‌ سه‌ری هه‌ڵداوه‌ كه‌وتوه‌ته‌وه‌.

به‌هۆی ئه‌و ئاگره‌وه‌ نزیكه‌ی 150 دووكان له‌ ناوبازاڕه‌كه‌ سوتاون و له‌كاتی كۆنترۆڵكردنه‌وه‌ی ئاگره‌كه‌ش له‌لایه‌ن تیمه‌كانی به‌رگری شارستانی كارمه‌ندێكی ئاگركوژێنه‌وه‌ش سوتا.

هه‌تا ئێستا هۆكاری ئاگره‌كه‌ ئاشكرا نه‌كراوه‌و به‌پێی وته‌ی چه‌ند دوكاندارێك هۆكاری كه‌وتنه‌وه‌ی ئاگره‌كه‌ شۆرتی كاره‌با بوه‌.

وه‌زاره‌تی به‌رگری ئه‌مریكا، بۆ به‌هێزتركردنی پێگه‌ی سه‌ربازی خۆی له‌سوریا، فڕۆكه‌خانه‌یه‌كی سه‌ربازی له‌ ناوچه‌یه‌كی رۆژئاوای كوردستان ده‌كاته‌وه‌.

سه‌رچاوه‌یه‌كی ئاگادار، له‌رۆژئاوای كوردستان،راگه‌یاند: له‌ماوه‌ی چه‌ند رۆژی رابردوودا ئه‌مریكا، له‌ناوچه‌ی شه‌دادیه‌یی سه‌ربه‌ شاری حه‌سه‌كه‌ له‌رۆژئاوای كوردستان، ده‌ستی به‌كردنه‌وه‌ی فڕۆكه‌خانه‌یه‌كی سه‌ربازی كردووه‌.

وتیشی: زیاتر له‌ 100 ئۆتۆمبێلی سه‌ربازی بارهه‌ڵگر كه‌ره‌سته‌ی بۆ ئه‌و شوێنه‌ گواستووه‌ته‌وه‌و، ژماره‌یه‌كی زۆر سه‌ربازیش له‌و ناوچه‌یه‌ جێگركراون.

یەكێتی رایدەگەیەنێت دوای راگەیاندنی ئەنجامەی هەڵبژاردنەكان لەلایەن دادگای فیدراڵییەوە سكاڵا لەسەر ئەو كەس و لایەنانە تۆمار دەكەن كە سوكایەتیان بەیەكێتی و دەنگدەرەكانی كرد، دەشڵێت: یەكێتی ئامادەیە بۆ هەڵبژاردنی پەرلەمانی كوردستان.

دوای كۆتاییهاتنی كۆبوونەوەی مەكتەبی سیاسی یەكێتی، سەعدی ئەحمەد پیرە وتەبێژی رەسمی یەكێتیی نیشتمانیی كوردستان لەكۆنگرەیەكی رۆژنامەنووسیدا  راگەیاند: لەكۆبوونەوەكەدا دۆخی عیراق، كەركوك،هەڵبژاردنی پەرلەمانی كوردستان و گۆنگرەی یەكێتی تاووتوێكرا.

وتیشی: لەسەر دۆخی عیراق، وەك یەكێتی بەشێك دەبین لەچارەسەركردنی كێشەكان و دەوری ئیجابی دەبین و هەوڵدەدەین بەو بەرنامە هاوبەشی لەگەڵ پارتی نوسیومانە دوای تەواوكردنی پابەند دەبین بەدەستورو هەوڵدەدەین ئەو پرۆژەیە ببێتە هاندەر بۆ چارەسەری كێشەكان و پێكهێنانی حكومەتی عیراق و هەموو لایەنەكانیش هەرێمیش دەتوانن بەشداری بكەن لەو پرۆژەیەدا.

لەبارەی كەركوكیشەوە، وتی: كەركوك بەدرێژایی مێژوو بۆ ئێمە داینەمۆی كێشە سیاسییەكانمان بووە، بۆیە دادگای فیدراڵی كە بڕیاریدا بەژماردنەوەی دەستی دەنگەكان، دەركەوت ئەو دەنگانە بە چ پێكهاتەیەك و لەناو ئەو پێكهاتەشدا بە چ لایەنێكی دیاریكراو دراوەو هیچ گۆڕانكارییەكی ئەوتۆی بەسەر نەهاتووە.

راشیگەیاند: لەمەودوا یەكێتی پێداگری مەبدەئی و چارەنوسساز لەسەر بارودۆخی كەركوك دەكات بۆ رێكخستنەوەی ئیدارەكەیی، ئەو بارودۆخەشی بەزۆر دەیانەوێت بەسەر كەركوكدا بیسەپێنن بەهاوكاری ناوەو دەرەوەی عیراق دەبێت گۆڕانكاری بەسەردا بێت و كورد نابێت بەشێك بێت لەو ئاڵۆزییە.

وتەبێژی یەكێتی لەبارەی هەڵبژاردنی پەرلەمانی كوردستانیشەوە، وتی:سەرۆكی لیستمان دیاریكردوە، بەرنامەی یەكێتی نوسراوەو ئامادەشین بۆ هەڵبژاردن، ئەگەر لایەنەكانیش پێمانوایە لەو ماوەیەدا دوو هەڵبژاردن دەكرێت و گۆڕانكاری بكرێت لەكاتی هەڵبژاردندا وەك یەكێتی كێشەمان نیە، بەڵام ئەگەر هەڵبژاردن لەكاتی خۆیدا دەكرێت ئەوە هەموو ئامادەسازییەكمان كردوەو ئامادەین.

راشیگەیاند: دوای ئەوەی دادگای فیدراڵی ئەنجامی دەنگەكان هەڵوێستی خۆی رادەگەیەنێت، یەكێتی لەڕێی بەیاننامەیەكەوە روونكردنەوەی بەجێ دەدات و مەڵبەندەكانیش مافی خۆیانە سكاڵا لەسەر ئەو لایانە تۆمار بكەن كە سوكایەتیان بەدەنگدەرو كاندیدەكان و یەكێتی كردوە.

وتیشی: لەمەودوا ئەو لایەنانە سكاڵایان هەیە لەسەر دەنگەكان دەتوانن سكاڵا تۆمار بكەن، نەك بەرۆكی یەكێتی بگرن.

لەبارەی كۆنگرەی یەكێتیشەوە، رایگەیاند: مەكتەبی سیاسی جارێكی دیكە تەئكیدی لەسەر بەستنی كۆنگرە كردەوە، هەموو بابتەتەكانی پەیوەست بەكۆنگرەشەوە باسی لێوەكرا، وەك پرۆژەیەكیش دەخرێتە بەردەم كۆبوونەوەی ئەنجومەنی سەركردایەتی یەكێتی كە لەم رۆژانەدا بەڕێوەدەچێت بۆ پەسەند كردنی و لەهەمانكاتدا وەرگرتنی بۆچونی ئەنجومەنی ناوەندی بۆ دیاریكردنی رۆژی كۆنگرە.

ئێوارەی ئەمڕۆ 4-8-2018 لە هۆڵی مۆزەخانەی سلێمانی رێورەسمێكی شایستە بۆ رێزلێنان لە خاتوو هێرۆ ئیبراهیم ئەحمەد رێكخرا، لە پای هەوڵ و پشتیوانییەكانی بۆ مۆزەخانەی سلێمانی و پاراستنی مێژوو كەلتور و كەلەپوری كوردو نازناوی خانمی بەخشندەی پێ بەخشرا.

.

لە مەراسیمەكەدا كە ژمارەیەكی بەرچاو لە لێپرسراوانی حكومی حزبی و رۆشنبیران ئامادەی بوون، د.دڵشاد مستەفا وتەیەكی پێشكەشكرد و رۆڵی خاتوو هێرۆ ئیبراهیم ئەحمەدی بەرز نرخاند لە پشتیوانییە بەردەوامەكانی بۆ پاراستنی كلتور و ئەدەب و هونەر نۆژەنكردنەوەی ماڵی رۆشنبیر و ئەدیبی كورد ئیبراهیم ئەحمەد.

هەر لە مەراسیمەكەدا هاشم حەمە عەبدوڵڵا بەڕێوەبەری مۆزەخانەی سلێمانی لە وتەیەكدا سوپاسی بێپایانی خاتوو هێرۆ ئیبراهیم ئەحمەدی كرد، كە هەمیشە هەوڵی هێشتنەوەی كلتور و مێژووی كوردی داوەو یارمەتیدەری مۆزەخانەكەیان بووەو پاڵپشتی پرۆژەكانییان بووە و ئەركی نۆژەنكردنەوەی مۆزەخانەكەشی گرتووەتە ئەستۆ.

دواتر پەردە لەسەر دیوار بەندێك لادرا كە وێنەی خاتوونی بەخشندە هێرۆ ئیبراهیم ئەحمەدی لەسەر هەڵكۆڵرابوو.

هەر لە رێورەسمەكەدا خەڵاتی رێزلێنان بەخشرایە خاتوونی بەخشندە خاتوو هێرۆ ئیبراهیم ئەحمەد .

كوفی ئه‌نان سكرتێری پێشووتری نه‌ته‌وه‌ یه‌كگرتووه‌كان له‌ ته‌مه‌نی 80 ساڵیدا كۆچی دوایی كرد.

كوفی عه‌تا ئه‌نان ڕۆژی 8 ی نیسانی ساڵی 1938 له‌ناو بنه‌ماڵه‌یه‌كی خانه‌دان له‌ وڵاتی غانا له‌دایكبووه‌. كوفی له‌گه‌ڵ خوشكێكی دوانه‌ بوون، خوشكه‌كه‌ی ناوی ئه‌فوا بوو كه‌ ساڵی 1991 كۆچی دواییكردووه‌. به‌كالۆریسی هه‌بووه‌ له‌ ئابووریدا و ماسته‌ری هه‌بووه‌ له‌ كارگێڕیدا. له‌ساڵی 1962 بۆ یه‌كه‌مینجار چوه‌ته‌ ڕێكخراوی نه‌ته‌وه‌ یه‌كگرتووه‌كان و چه‌ندین پۆستی له‌و ڕێكخراوه‌یه‌دا له‌ ئه‌ستۆدا بووه‌ كه‌ دوایین پۆستی سكرتێری گشتی نه‌ته‌وه‌ یه‌كگرتووه‌كان بووه‌.

دوو جار ژنی هێناوه‌ و سێ منداڵی هه‌یه‌ و زمانه‌كانی فه‌ره‌نسی و ئینگلیزی و چه‌ند زمانێكی ئه‌فریقی زانیوه‌.

له‌ڕۆژی 13ی كانوونی یه‌كه‌می ساڵی 1996 بۆ پۆستی ئه‌مینداری گشتی ئه‌نجومه‌نی ئاسایش هه‌ڵبژێردرا و له‌مانگی كانوونی دووه‌مدا بوو به‌سكرتێری گشتی ڕێكخراوی نه‌ته‌وه‌ یه‌كگرتووه‌كان و ساڵی 2001 كوفی ئه‌نان و ڕێكخراوی نه‌ته‌وه‌ یه‌كگرتووه‌كان خه‌ڵاتی ئاشتی نۆبێلی –یان وه‌رگرت و ساڵی 2006 خانه‌شین كرا و دواجار له‌ ته‌مه‌نی 80 ساڵیدا كۆچی دوایی كرد.

ئێواره‌ی ڕۆژی دووشه‌ممه‌ 6-8-2018 له‌ شاری سلێمانی كۆسره‌ت ڕه‌سول عه‌لی جێگری سكرتێری گشتی یه‌كێتی نیشتمانی كوردستان پێشوازی كرد له‌ بریكاری وه‌زاره‌تی نه‌وتی عیراق و وه‌فدێكی وه‌زاری هاوڕێی كه‌ پێكهاتبوون له‌ به‌ڕێوه‌به‌ری گشتی دابه‌شكردن و كادیرانی به‌شه‌كه‌.

له‌ دیداره‌كه‌دا كه‌ حاكم قادر حه‌مه‌جان ئه‌ندامی مه‌كته‌بی سیاسی ئاماده‌ی بوو، جێگری سكرتێری گشتی به‌ گرنگیه‌وه‌ باسی له‌ڕۆڵی وه‌زاره‌تی نه‌وتی عیراق كردو جه‌ختی له‌وه‌ كرده‌وه‌ كه‌ پێویسته‌ په‌ره‌ به‌ كاره‌كانیان بده‌ن له‌ ئامانجی خزمه‌تكردنی هاووڵاتیان.

لای خۆیانه‌وه‌ وه‌فدی میوان به‌وردی گوێیان له‌وته‌كانی جێگری سكرتێری گشتی گرت و دووپاتیان كرده‌وه‌ كه‌په‌ره‌ به‌ كاره‌كانیان ده‌ده‌ن و پلانی دابه‌شكردن فراوانتر ده‌كه‌ن.

له‌ به‌شێكی تری دیداره‌كه‌دا كۆسره‌ت ڕه‌سول عه‌لی به‌ بایه‌خه‌وه‌ باسی له‌وه‌ كرد كه‌ پێویسته‌ به‌پلان و به‌رنامه‌یه‌كی ورد كاربكرێ بۆ پێشخستنی كه‌رتی نه‌وت و سامانه‌ سروشتییه‌كان له‌عیراق.

هه‌ر له‌ دیداره‌كه‌دا گفتوگۆكرا له‌باره‌ی چۆنیه‌تی چاره‌سه‌ركردنی كێشه‌كانی نێوان هه‌رێم و به‌غدا به‌گشتی و. كێشه‌ی نه‌وت به‌تایبه‌تی و جه‌خت له‌وه‌ كرایه‌وه‌ كه‌ پێویسته‌ پلانی هاوبه‌ش و گشتگیر هه‌بێ بۆ چاره‌سه‌ركردنی ئه‌م كێشه‌یه‌و سه‌رجه‌م كێشه‌كانی تر.

 


ناوی كاندیده‌كان ...........

ناوی كاندید                                        شوێنی نیشته‌جێبوون
قوباد جه‌لال حسام الدین نورللـه‌                        سلێمانی
بێگه‌رد دڵشاد شكرلله‌                                     سلێمانی
رێواز فایق حسێن محه‌مه‌د                               هه‌ولێر
زیاد جه‌بار محه‌مه‌د قادر                                   سلێمانی  
دلێر مسته‌فا حه‌سه‌ن ئه‌حمه‌د                          سلێمانی
ته‌لار له‌تیف محه‌مه‌د قادر                                 سلێمانی
فه‌یسه‌ڵ عه‌باس عولا وه‌سمان                         هه‌ولێر
فه‌ره‌ج ره‌سوڵ تۆفیق ره‌سوڵ                            دهۆك
راهی ره‌هبه‌ر ئیبراهیم سه‌عید                         كۆیه‌
مسته‌فا ئه‌حمه‌د سه‌عید حه‌مه‌د سور                 رانیه‌
اختیار عه‌زیز كه‌ریم حه‌مه‌ سه‌عید                     هه‌ڵه‌بجه‌
عه‌باس فه‌تاح ساڵح فه‌تاح                                كۆیه‌
سۆما زاهير خورشید ره‌سوڵ                              هه‌ریر
عومه‌ر ئه‌حمه‌د محه‌مه‌د سه‌عید                        سلێمانی
ئه‌بوبه‌كر ره‌سوڵ حسێن عبدالله‌                        چورقورنه‌
شیلان عارف حه‌مه‌ قادر                                   سلێمانی
لوقمان حه‌مه‌د حاجی مسته‌فا                           چۆمان
هاوژین فه‌خره‌دین سه‌عدون حه‌مه‌ ئه‌مین             سلێمانی
پشتیوان حه‌مه‌ سه‌عید محه‌مه‌د امین                  كه‌لار
محه‌مه‌د ئه‌حمه‌د مه‌حمود عه‌لی                          رانیه‌
سه‌ردار محه‌مه‌د غه‌فور ئه‌حمه‌د                           سلێمانی
سه‌ركه‌وت محه‌مه‌د زه‌كی ساڵح نه‌جم                 سلێمانی
هه‌ژان حه‌سه‌ن ئه‌حمه‌د عبدالله‌                          سلێمانی
عماد شكور سه‌عید ته‌ها                                   دهۆك
ئه‌میر نامق عبدالله‌ عوسمان                              هه‌ولێر
هۆفین شه‌ماڵ مه‌جید مبارك                              سۆران
عوسمان محه‌مه‌د وسو عوسمان                        قه‌ڵادزێ
عبدالناسر ئه‌حمه‌د عه‌لی كاكه‌وڵا                        كه‌لار
رۆژان محه‌مه‌د كه‌ریم عیسا                               سلێمانی
زكری ئه‌حمه‌د ئیسماعیل عومه‌ر                         ئاكرێ
شه‌یدا سه‌عید حمه‌ غه‌ریب ساڵح                      سلێمانی
شه‌مۆل اشین ێابر میره‌                                    كۆیه‌
شادمان حه‌سه‌ن مولود پیرداود                          هه‌ولێر
شنۆ عشقی عبدالله‌ محه‌مه‌د                           ئاكرێ
جه‌لال عوسمان عه‌لی ئه‌حمد                          سلێمانی
رێبین مولود خدر حه‌مه‌د                                 حاجیئاوا
كنێر عبدالله‌ حمه‌عه‌زیز حمه‌عه‌لی                     سلێمانی
به‌ختیار خورشید ئیبراهیم قادر                         هه‌ولێر
جه‌مال حوێز مسته‌فا خزر                                رانیه‌
حلیمه‌ مضفر به‌كر حسێن                               هه‌ولێر
سه‌لمه‌ فاتح تۆفیق محه‌مه‌د                            سلێمانی
عه‌دنان تۆفیق سدیق  عبدالرحمن                     كه‌لار
به‌رزان ئیبراهیم رۆسته‌م شا محه‌مه‌د                سلێمانی
سه‌باح عبدالكریم عبدالقادر مسته‌فا                  دهۆك
چرا عومه‌ر صابر سه‌عید                                 سلێمانی
شێرزاد سه‌لاح ئیبراهیم محه‌مه‌د ئه‌مین            رانیه‌
ئازاد سادق عبدالله‌ مام شێخ                          هه‌ولێر
ژاڵه‌ خیرالله‌ عبدالله‌ عبدالله‌                              رانیه‌
سه‌ركۆ ئازاد حسێن محه‌مه‌د                          شاره‌زوور
خدر قادر فقێ مسته‌فا                                 دوكان
دارابه‌گ محه‌مه‌د عه‌بدول له‌تیف ئیسماعیل       سلێمانی
شیرین یونس عبدالله‌ عه‌زیز                           كۆیه‌
فرسه‌ت ئیبراهیم حسێن شاڵی                     دهۆك
هاوژین عوسمان محه‌مه‌د ساڵح                     سلێمانی
زوڵفان غه‌ریب ره‌حیم قادر                              سلێمانی
ئامانج شه‌وكه‌ت موشیر محه‌مه‌د                     سلێمانی
هێرش حه‌سه‌ن حه‌مه‌د فه‌قێ عبدالله‌              چوارقورنه‌
خانزاد عه‌بدولعزیز عه‌بدولكه‌ریم ضمان               هه‌ولێر
هاورێ بناْء محه‌مه‌د ساڵح فتاح                       كفری
كاروان عبدالرحمن عبدالله‌ قادر                       سۆران
ناسكه‌ عه‌جیل ئیسماعیل مسته‌فا                هه‌ولێر
هیوا عه‌لی سدیق مه‌عروف                          سلێمانی
هه‌ڤاڵ خه‌رمان سیسۆ موراد                         دهۆك
به‌سۆز به‌كر عه‌لی ئه‌مین                             سلێمانی
سه‌روان تاهیر عوسمان جه‌رجیس                 هه‌ولێر
عوسمان كه‌ریم سواره‌ حه‌مه‌د                      سلێمانی
به‌یان مه‌هدی ئه‌حمه‌د ساڵح                       سلێمانی
ئیبراهیم حه‌كیم یادگار عه‌زیز                       چه‌مچه‌ماڵ
ره‌مه‌زان خه‌لیل سه‌عید ئه‌حمه‌د                   زاخۆ
نیگار عومه‌ر سه‌عید شه‌ریف                        سلێمانی
نیاز محه‌مه‌د نوری مه‌لا مه‌حمود                    سلێمانی
حه‌سه‌ن مسته‌فا جه‌عفه‌ر یوسف                  هه‌ولێر
عروبه‌ ئه‌حمه‌د خزر جدوع                              هه‌ولێر
شه‌هرام نامق ره‌فیق حسێن                       هه‌ولێر
عوسمان ئه‌نوه‌ر محه‌مه‌د عه‌لی                     سلێمانی
سازگار دڵشاد شه‌فیق نادر                           كۆیه‌
هونه‌ر فه‌خره‌دین ئه‌حمه‌د عه‌بدولعه‌زیز              كفری
له‌تیف ره‌سوڵ حه‌سه‌ن ره‌حیم                       پێنجوێن
گه‌لاوێژ ساڵح خزر مسته‌فا                             هه‌ولێر
سه‌ربه‌ست ئیبراهیم ره‌سوڵ محه‌مه‌د              رانیه‌
هونه‌ر دڵزار عبدالرحمن ئه‌مین                        هه‌ولێر
هاله‌ حسێن مسته‌فا بایز                              رانیه‌
هیمداد عه‌لی حه‌سه‌ن حه‌مه‌د                       رانیه‌
نه‌وزاد عوسمان عبدالرحمن عبدالله‌                سلێمانی
په‌رێز عومه‌ر تاهیر یه‌حیا                                هه‌ولێر
سزا جه‌مال عه‌بدول محه‌مه‌د ئه‌مین                سلێمانی
عاسی ساڵح تاهیر ره‌شید                           ته‌قته‌ق
ئاسۆ ره‌سوڵ محه‌مه‌د حسێن                      سلێمانی
هێلین یاسین ئه‌حمه‌د مه‌ولود                       هه‌ولێر
ره‌نجده‌ر كه‌مال محه‌مه‌د سه‌عید ساڵح           سلێمانی
سامان تاهیر قادر نادر                                  كه‌لار
عادل عه‌لی سه‌لام قادر                               سلێمانی
بالامبۆ محه‌مه‌د عه‌لی ئه‌حمه‌د                     سلێمانی
وریا سعدی ئه‌حمه‌د                                    سلێمانی
پێشره‌و هاشم محه‌مه‌د ئه‌مین سلێمان          هه‌ولێر
نه‌وزاد سلێمان بایز                                      هه‌ولێر
پێشره‌و وه‌یسی ساڵح حمه‌ ئه‌مین                هه‌ولێر
شاكر ئیسماعیل حمه‌ مسته‌فا                     هه‌ولێر
ئالان عبدالرحمن رۆسته‌م ئه‌مین                   سلێمانی
ساڵح عبدالله‌ ساڵح بابه‌كر                           سلێمانی

پەڕەى 3 لەکۆى 4 پەڕەدا