داوای دەستگیركردنی عەمید سەرحەد قادر كراوە

هەواڵەکان

فەرمانی دەستگیركردن بۆ  عەمید سەرحەد قادر  ، بەڕێوەبەری پۆلیسی قەزا و ناحیەكانی كەركوك و 12 ئەفسەری دیكەی بەڕێوەبەرایەتی پۆلیسی پارێزگاكە بە ماددەی 4ی تیرۆر دەرچووەوە و فەرمانەكەش ئاراستەی پۆلیسی شارەكە كراوە بەمەبەستی گرتنەبەری رێوشوێن بۆ دەستگیركردنیان.

دادگای لێكۆڵینەوەی رەسافە بە نوسراوی ژمارە (21115) لە بەرواری 19ی تشرینی دووەم فەرمانی دەستگیركردنی بۆ 13 ئەفسەری باڵای پۆلیسی كەركوك دەركردووە و ئاراستەی بەڕێوەبەرایەتی پۆلیسی پارێزگاكەی كردووە بەمەبەستی دەستگیركردنیان.

بەپێی نوسراوەكەی دادگا، فەرمانی دەستگیركردنەكە بەپێی بڕگەی 1ی مادەی 4ی یاسای قەڵاچۆكردنی تیرۆر دەركراوە و داوادەكات رێوشوێن لە دژی ئەو ئەفسەرە هەڵاتووانە بگیرێتەبەر.
 

 
ناوی ئەفسەرەكانی دیكە كە بەبێ ناوهێنانی پلە و ناونیشانیان لەنوسراوەكەدایە:
1- عەبدوڵا نورەدین بەهائەدین  
2 - ستار حەجی بەكر 
3- سەركەوت جەلال مەولود  
4- ماهر عەلی حەواس 
5- یاسر عەلی حەواس  
6 - محەمەد محسن حەمە مستەفا  
7- بەكر محەمەد عەلی فنش 
8- كەریم كاكەمەند 
9- عادل ئیسماعیل مەولود  
10- سۆران محسن حەمە مستەفا  
11- فوئاد مەنسور - ئەفسەر لە بنكەی پۆلیسی دوبز